आँधीखोला सञ्चार सहकारीको २०औँ साधारण सभा
वालिङ, १२ पुस ।
स्याङ्जाको वालिङमा सञ्चालित आँधीखोला सञ्चार सहकारी संस्था एवम् रेडियो आँधीखोला एफएम १०५.४ मेगाहर्जले २०औँ साधारणसभा गरेको छ । आज शनिबार वालिङ ८ घ्याङलिङस्थित रेडियो आँधीखोलाको सभाहलमा २०औँ साधारण सभा सम्पन्न गरेको हो ।
साधारण सभाको उद्घाटन गर्दै वालिङ नगरपालिका प्रमुख कृष्ण खांँणले रेडियो स्थापना कालदेखि नैे समाजलाई सूसुचित गराउँदै आएको बताउनुभयो । स्थापना कालदेखि नैे समाजलाई सूसुचित गराउँदै रेडियोले बढ्दो प्रविधिको युगमा समय सापेक्ष रुपमा परिमार्जन गर्दै लैजाउनुपर्नेमा नगर प्रमुख खाँणले जोड दिनुभयो ।
जिल्लाकै पहिलो सामुदायिक रेडियोको दिगोविकासका लागि नगरपालिकाको साथ र सहयोग रहने उहाँले व्यक्त गर्नुभयो । समाजका बेथितिलाई बाहिर ल्याउन सञ्चारको भूमिका महत्वपूर्ण रहेको रेडियोका शेयर सदस्य समेत रहनुभएका प्रमुख खांँणको भनाई थियो ।
कार्यक्रममा गण्डकी प्रदेशका पूर्व सांसद तथा विधायन समितिका सभापति मोहन रेग्मीले रेडियोले आफ्ना गतिविधिलाई परिमार्जित गर्दै प्रविधिमय बनाउनुपर्ने सुझाव दिनुभयो ।
कार्यक्रममा रेडियोका अध्यक्ष शान्ता थापाले अध्यक्षको प्रतिवेदन प्रस्तुत गर्दै रेडियोलाई २०औँ वर्षसम्म ल्याउन सहयोग गर्नुहुँने तत्कालित कार्यसमितिहरु, विज्ञापनदाता, कर्मचारी, शेयर सदस्य तथा सरोकारवाला सबैलाई धन्यवाद व्यक्त गर्नुभयो ।
कार्यक्रममा उत्कृष्ट विज्ञापन दाता डब्लू आईसि कम्प्युटर तथा तारादेवि ब्लक उद्योग र मल्ल फार्मेसी वालिङ, नियमित स्रोता वालिङ ८ का कृष्णप्रसाद कोईराला, स्थापनाकालदेखि हालसम्म कार्यरत कर्मचारीको रुपमा स्टेशन म्यानेजर तोलाकान्त बगालेलाई सम्मानपत्र र दोसल्लाले सम्मान गरिएको थियो भने संस्थाबाट स्वेच्छिक अवकाश लिनुभएका ६ जना कर्मचारीहरुलाई पनि प्रसंसा पत्र सहित विदाई गरिएको थियो ।
२०६३ सालमा स्थापना भएको सञ्चार सहकारीमा अहिले ४ सय ८० जना सेयर सदस्यहरु रहेका छन् । संस्थाद्वारा सञ्चालित रेडियो अहिले दैनिक १८ घण्टा प्रसारणमा रहेको छ भने गण्डकी र लुम्बिनी जिल्लाका १७ जिल्लामा १०५.४ मेगाहर्ज फ्रिक्वेन्सीमा सुन्न सकिन्छ भने वेब साईट र हाम्रो पात्रो मार्फत अनलाईनमा विश्वभर सुन्न सकिन्छ ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment