उत्तरवाहिनीमा दामोदर महोत्सव भोलि २१ गते विधिवत शुभारम्भ हुने
वालिङ,२० असोज– मालुङ्गा स्याङ्जा र असेर्दी पाल्पाको सङ्गमस्थल उत्तरवाहिनीमा भोलि २१ गते कालीगण्डकी महामेला दामोदर महोत्सव विधिवत शुभारम्भ हुँदैछ । कात्तिक १९ गतेसम्म एक महिना सञ्चालन गरिने उत्तर गण्डकी महामेला दामोदर धर्माेत्सव–२०८२ को विधिवत शुभारम्भ हुने आज आयोजित पत्रकार सम्मेलन मार्फत जानकारी गराइएको हो ।
महामेला स्थल उत्तरवाहिनीमा आयोजित पत्रकार सम्मेलनमा उत्तरवाहिनी ज्ञान विज्ञान प्रतिष्ठानका संरक्षक शङ्कर पाण्डेले कार्यक्रम बारे जानकारी गराउनुभएको थियो । उहाँले उत्तरवाहिनी क्षेत्रको धार्मिक विकासको दीघकालीन सोंचसहित आयोजना गरिएको महामेला सनातन धर्म, संस्कार र संस्कृति सम्बन्धी विविध कार्यक्रमहरु सञ्चालन गरिने जानकारी गराउनुभयो । एक हजार भक्तजनहरुका लागि आवस र साधनाहसहितको धर्मशाला, सनातन संस्कृति संरक्षणको लागि गुरुकुलम पाठशाला, शेव कार्यका लागि यज्ञशाला, गौमाताको संरक्षणक लागि गौशाला र भक्तहरुको भोजन प्रसादीका लागि पाठशाला निर्माण गर्ने उद्देश्यले महामेलाको आयोजना गरिएको संरक्षक पाण्डेले उल्लेख गर्नुभयो ।
यसैगरी पत्रकारहरुको जिज्ञासाको सम्वोधन गर्दै महामेला मूल आयोजक समिति संयोजक चैतन्य कृष्णले कार्यक्रम अवधिभरमा १ करोड भन्दा धेरै खर्च हुने अनुमान रहेको जानकारी गराउनुभयो । धर्मोत्सवबाट बचत दान रकमबाट उद्देश्य अनुरुपका पवित्र कार्यहरुमा लगानी गरिने उहाँले उल्लेख गर्नुभयो । यसैगरी महामेलाको समुद्घाटन हरिहर सन्यासाश्रम देवघाटका पिठाधिश ज्ञानानन्द स्वामीज्यूबाट हुने संयोजक चैतन्यकृष्णले बताउनुभयो । धर्मोत्सवका लागि हरिद्वारलगायतका नेपाल र भारतका विभिन्न स्थानहरुबाट प्रशिद्ध सन्तगुरुहरु आउने क्रम सुरु भैसकेकोसमेत उहाँले जानकारी दिनुभयो ।
दामोदर धर्मोत्सव हामी सबैको साझा कार्यक्रम र महामेला भएकाले देश विदेशबाटसमेत धेरैजनाको उपस्थिति रहनेमा विश्वास गरिएको छ । चैतन्य कृष्णका अनुसार शास्त्रमा उत्तरतर्फ फर्केको नदिलाई सर्वतीर्थ भनिन्छ । कालीगण्डकी उत्तर भएर बगेकी हुनाले यहाँ उत्तरवाहिनी भनिएको हो । जहाँ ब्रह्ममयी गङ्गा नदी उत्तरवाहिनी मूर्ती भएर विद्यमान हुनुहुन्छ, त्यहाँ उहाँलाई दर्शन गर्दा, स्नान गर्दा र प्रणाम गर्दा समस्त पापहरुको नाश हुन्छ । त्यसैले संस्कृतिको अध्ययन गर्ने सबैले पटक पटक दर्शन गर्नुपर्ने उहाँको भनाई छ । यस्तो अवसर फेरि नपाइन पनि सक्छ, त्यसैले महामेलामा सहभागी भएर आफ्नो जीवनलाई रसमय, क्लेसरहित र दिव्य आनन्दमय बनाई अपूर्व लाभलिन उहाँको अनुरोध छ ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment