उपकार सहकारीले वार्षिक समिक्षा तथा योजना बारे छलफल ग¥यो
साउन १७, वालिङ ।
स्याङ्जाको वालिङमा रहेको उपकार बचत तथा ऋण सहकारी संस्था लि.ले वार्षिक समिक्षा तथा योजनाका बारेमा छलफल कार्यक्रम गरेको छ । सहकारीले आर्थिक वर्ष २०८१÷०८२ को वार्षिक समिक्षा तथा आर्थिक वर्ष २०८२÷०८३ को योजनाका बारेमा छलफल कार्यक्रम आज शनिबार संस्थाको मुख्य कार्यालय वालिङमा गरेको हो ।
कार्यक्रममा सहकारीका अध्यक्ष यमकान्त खनालले कार्यक्रमकाबारेमा जानकारी गराउनुभएको थियो । सहकारीका बारेमा देशव्यापि रुपमा चलेको राम्रो नराम्रो हल्लाबाट संस्थालाई अलग राख्न सकिएको, एकवर्षको अवधिमा ३ सय ३१ जना नयाँ शेयर सदस्य थपिएको अध्यक्ष खनालले जानकारी गराउनुभयो । यसैगरी उहाँले सहकारी शिक्षा कार्यक्रम सञ्चालन भैरहेको, अहिलेकै परिस्थिति रहेको खण्डमा व्याजदर १ अङ्कमा परिवर्तन गर्न सकिने अवस्था रहेको बताउनुभयो । ऋण असुलीमा केही ऋणीहरुबाट नविकरणमा हेलचेक्र्याईं गरेकाले संस्थाको नाफामा प्रत्यक्ष असर परेकाले सोंचे अनुरुप लाभांश वितरण गर्न नसकिने अवस्था रहेको र यसलाई सुधारेर लैजाने रणनीति बनाएर अगाडि बढ्ने योजना रहेको अध्यक्ष खनालले जानकारी दिनुभयो ।
कार्यक्रममा संस्थाका लेखापाल प्रेम थापाले आर्थिक वर्ष २०८१÷०८२ जेठ मसान्तसम्म कूल ८ हजार ३ सय ८७ जना शेयर सदस्य र ७ करोड ९० हजार ५ सय शेयर पूँजी रहेको जानकारी गराउनुभयो । यसैगरी आर्थिक वर्ष २०८२÷०८३ मा यसलाई बढाएर ९ हजार १३ जना शेयर सदस्य र शेयर पूँजी ८ करोड ६० लाख ८२ हजार पु¥याउने प्रस्ताव पेश गर्नुभयो । अडिटको काम भैरहेकाले संस्थाको यथोचित आय व्यय आउन बाँकि रहेको लेखापाल थापाले जानकारी गराउनुभयो ।
सहभागीहरुबाट आएका जिज्ञासाको जवाफ दिंदै अध्यक्ष खनालले सल्लाहकारज्यूहरु एवम् सहभागीहरुको सुझावले काम गर्न प्रेरणादायी भएको बताउभयो । यसैगरी उहाँले कार्यक्रमका सहभागीहरुको सल्लाह एवम् सहकारीको विधि र पद्दति अनुसार संस्थालाई चुस्त दुरुस्तरुपमा अगाडि बढाउने विश्वास व्यक्त गर्नुभयो ।
संस्थाका सञ्चालक समिति, सल्लाहकारहरु, लेखा समिति, सेवाकेन्द्र सञ्चालन समिति, विभिन्न उपसमिति तथा कर्मचारीहरुको सहभागितामा कार्यक्रम गरिएको थियो ।
वालिङमा मुख्य कार्यालय रहेको उपकार सहकारीले वालिङ, बायँटारी, कालीगण्डकीको मिर्मि र चापाकोटको दामाचौरमा गरी ४ वटा सेवाकेन्द्र र वालिङ ७ को केवरेमा सदस्य सम्पर्क कार्यालय सञ्चालनमा ल्याएर वित्तीय सेवा प्रदान गर्दै आएको छ ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment