कृषक र साना बचतकर्ताको हित हुने ऐन आउँछ–सभापति थापा
फागुन १६ पाल्पा ।
नेपाल सरकारका कृषि सहकारी तथा प्राकृतिक श्रोत समितिका सभापति कुसुम देवि थापाले कृषक र साना बचतकर्ताको हित हुने ऐन आउने बताउनुभएको छ । बुधबार रामपुर नगरपालिकाद्वारा आयोजित स्वागत तथा सम्मानसहितको अन्तरक्रिया कार्यक्रममा सम्वोधन गर्दै सभापति थापाले कृषि र सहकारी क्षेत्रको समस्या समाधान गरी कृषक र साना बचतकर्ताको हित हुने ऐन तथा नीति ल्याउने बताउनु भएको हो ।
उहाँले जबसम्म कृषक र साना बचतकर्ताको समृद्धि हुँदैन, तबसम्म देशको समृद्धि सम्भव नभएको उल्लेख गर्नुभयो । सभापति थापाले सहकारी संस्थाहरु सहकारीको मर्म अनुसार चल्न नसकेको भन्दै सहकारीहरुमा व्याप्त समस्याको समाधान गर्ने नीति छिट्टै ल्याउने प्रतिबद्धता व्यक्त गर्नुभयो । साथै उहाँले समग्र कृषकको हितका लागि नयाँ कृषि नीति र ऐन ल्याउने तयारी भई रहेकोसमेत जानकारी गराउनुभयो । कृषि क्षेत्रका लागि आफू चिन्तित रहेको उल्लेख गर्दै खाद्यान्नमा आत्मनिर्भर बनाई निर्यात गर्नसक्ने नीति ल्याउन सके मात्र कृषकको हित हुने उहाँको भनाई छ । उहाँले कृषकहरुलाई परम्परागत कृषि खेति भन्दा बैकल्पिक र व्यवसायीक खेतिलाई बढावा दिन आग्रह समेत गर्नुभयो । सभापति थापाले आवासक्षेत्र निर्माण गर्दा यसको कृषि उर्वर भूमिलाई मास्न नहुने बताउनुभयो । उहाँले उर्वर भूमि रामपुरलाई सिंचाई र कृषिको माध्यमबाट अझ हराभरा बनाउनु पर्नेमा जोड दिनुभयो ।
कार्यक्रममा रामपुर नगरपालिकाका कार्यबाहक नगर प्रमुख तथा उपप्रमुख बाल कुमारी थापाले कृषकको हितका लागि नगरपालिका प्रतबद्ध भएर लागेको बताउनुभयो । स्थानीय सरकारको सीमित स्रोत र साधनले प्रदान गरेको अनुदान कृषकका लागि पर्याप्त नभएको उहाँले उल्लेख गर्नुभयो । उहाँले नेपाल सरकारले तोकेर पठाएका ससर्त अनुदानका कार्यक्रमलाई परिमार्जन गर्न आवश्यक रहेको धारणा राख्नुभयो । उपप्रमुख थापाले स्थानीय कृषकको समस्या र आवश्यकतालाई मध्यनजर गरेर कृषि सम्बन्धी कार्यक्रम सञ्चालन गर्न सकेमात्र प्रभावकारी हुने व्यक्त गर्नुभयो । उहाँले संघीय सरकारले प्रदान गर्ने अनुदानलगायत विभिन्न कार्यक्रमका बजेट स्थानीय तहमा स्वायत्त रुपमा सञ्चालन गर्ने नीति बनाउन सुझाउनुभयो । साथै उपप्रमुख थापाले रामपुरमा कृषि उपज संकलन केन्द्र आवश्यक रहेकाले यसका लागि पहल गर्न समेत आग्रह गर्नुभयो ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment