ट्राफिक कार्यालय स्याङ्जाद्वारा दशैँको १५ दिनमा झण्डै २० लाख राजस्व संकलन
स्याङ्जा ३ कार्तिक ।
जिल्ला ट्राफिक कार्यालय स्याङ्जाले दशैँको अवधि १५ दिनमा झण्डै २० लाख राजस्व संकलन गरेको छ । असाेज १७ देखि कार्तिक २ गतेसम्मको अवधिमा ट्राफिक प्रहरीले १९ लाख ३४ हजार ५ सय रुपैयाँ राजस्व संकलन गरेको हो । ट्राफिक प्रहरीले चाडपर्व विशेष अभियान अन्तर्गत दुर्घटना न्युनिकरणका लागि थप तदारुकता अपनाएको थियो ।
चाडपर्वका बेला सार्वजनिक सवारीले सिट क्षमताभन्दा धेरै यात्रु सवार गराउँदा दुर्घटनाको जोखिमहुने भएकाले यो दशैँमा ट्राफिक प्रहरीले चेकजाँचलाई कडाई गरेको थियो । यो १५ दिनको अवधिमा सिट क्षमताभन्दा धेरै यात्रु राख्ने सवारी सबैभन्दा धेरै कारबाहीमा परेका छन् ।
सिट क्षमताभन्दा धेरै यात्रु राख्ने २ सय सवारी कारबाहीमा पर्दा झण्डै १६ लाख राजस्व संकलन भएको जिल्ला ट्राफिक प्रहरी कार्यालय स्याङ्जा प्रमुख सन्तोष पौडेलले जानकारी दिनुभयो । जिल्ला ट्राफिक कार्यालय स्याङ्जाले मापसे गरी सवारी साधन चलाउने ७० जनालाई कारबाही गर्दा ३५ हजार, सिट बेल्ट नबाँधीकन सवारी चलाउने ८० जनालाई कारबाही गर्दा ६५ हजार, मोबाईल फोनको प्रयोग गर्दै सवारी चलाउने ९५ जनालाई कारबाही गर्दा ७५ हजार, सिट क्षमताभन्दा बढी यात्रु राख्ने २ सय सवारीलाई कारबाहीगर्दा १५ लाख ९५ हजार, प्राईभेट नम्बर प्लेटका सवारीले सार्वजनिक यात्रु ओसार्ने २२ जनालाई कारबाही गर्दा ४४ हजार, तिव्र गतिमा सवारी चलाउने ४० जनालाई कारबाही गर्दा ३१ ह्जार र अन्य शिर्षकका कारबाहीमा परेका ९५ सवारी चालकबाट ८९ हजार ५ सय गरी १९ लाख ३४ हजार ५ सय राजस्व संकलन गरेको हो ।
यस्तै प्रहरीले पर्व विशेषमा सचेतना मूलक कार्यक्रमसमेत संचालन गरेको थियो । यो अवधिमा २ सय पटक सचेतना कार्यक्रमबाट ३२ जनालाभान्वितभएका छन् । यो दशैँको अवधिमा स्याङ्जामा कुनै सवारी दुर्घटना भने नभएको जिल्ला ट्राफिक प्रहरी कार्यालयले जनाएको छ । चाडपर्वका बेला स्वयम् यात्रु पनि सचेत हुनुपर्ने भएकाले ट्राफिक प्रहरीले यात्रुहरुलाई पनि सचेत गराएको हो । भीडभाड भएको सवारीमा यात्रा गर्दा जोखिमहुने भएकाले ढिलो पुगे अवश्य पुगिन्छ भन्ने मनोभावना राख्नुपर्ने यसले संभावित दुर्घटनाबाट बच्न सकिने प्रहरीले जनाएको छ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment