पूर्णामृत भवानी माविको ६३औँ वार्षिकोत्सव तथा अभिभावक दिवस
वालिङ, ८ पुस ।
स्याङ्जाको वालिङमा रहेको पूर्णामृत भवानी माध्यमिक विद्यालयले ६३ औं वार्षिकोत्सव तथा अभिभावक दिवस मनाएको छ । वालिङ १० फूलबारीमा रहेको विद्यालयले आफ्नो ६३औँ वार्षिकोत्सव तथा अभिभावक दिवस विविध कार्यक्रमसहित मनाएको हो ।
कार्यक्रमको समुद्घाटन गर्दै त्रिभुवन विश्वविद्यालयका पूर्व उपकुलपति तीर्थराज खनियाले सीपमूलक शिक्षा नै आजको आवश्यकता रहेको बताउनुभयो । विदेशमा रहेका विद्यालयहरुले सीपमूलक शिक्षालाई प्राथामिकतामा राखेर अगाडि बढेको उदाहरण दिँदै त्रिभुवन विश्वविद्यालयका पूर्व उपकुलपति खनियाँले उचित शिक्षा नीतिका कारण नै नेपालका विद्यार्थीहरु वैदेशिक अध्ययनमा आकर्षित भएको उल्लेख गर्नुभयो । पढाईसंँगै आर्थिक उपार्जन गरी परिवारलाई पैसा पठाउने अन्तर्राष्ट्रिय शिक्षाको पद्दति रहेको बेला नेपालमा भने सैद्धान्तिक विषयमा मात्रै केन्द्रित हुँदा यहाँको शैक्षिक प्रणाली कमजोर हुँदै गएको उहाँले औंल्याउनुभयो ।
यसैगरी मुक्तिनाथ कृषि कम्पनीका अध्यक्ष भरतराज ढकालले देशमै रोजगारको सिर्जना नहुँदा विदेशिनुपर्ने बाध्यता रहेको बताउँनुभयो । शिक्षालाई व्यवहारिक र सीपमूलक बनाउनुपर्नेमा उहाँको जोड छ । स्याङ्जा जिल्लाको हकमा सामुदायिक विद्यालयहरुमध्ये पूर्णामृत माविले प्राविधिक शिक्षालाई प्राथामिकता दिएर अगाडि बढेको र अबको शिक्षामा जीवन जिउने कला र सीपमूलक हुनुपर्ने ढकालको भनाई थियो । कृषिमा पूर्ण संभावना बोकेको नेपालमा कृषि क्षेत्रबाट धेरै रोजगारीको सिर्जना गर्न सकिने र कृषिमा नयाँ आयाम थप्ने उद्देश्यले मुक्तिनाथ कृषि कम्पनीको स्थापना भएको उहाँले उल्लख गर्नुभयो ।
कार्यक्रममा विद्यालयका प्रधानाध्यापक दिपक लम्सालले विद्यालयको प्रगति प्रतिवेदन प्रस्तुत गर्नुभएको थियो । विद्यालयको गत वर्षको ३ करोड ८९ लाख ३३ हजार ३ सय ७ रुपैँया गत वर्षको र ६ करोड ३५ लाख ३२ हजार ८ सय ५४ रुपैँयाको चालु वर्षको आर्थिक प्रतिवेदन प्रस्तुत गर्नुभएको थियो ।
२०१९ सालमा स्थापना भएको विद्यालयमा हाल ८ सय ३५ जना विद्यार्थी अध्यनरत छन् । कक्षा ९ र १० मा बाली विज्ञान विषयको अध्ययन हुने विद्यालयमा स्याङ्जा सहित छिमेकी जिल्ला पर्वतका विद्यार्थीसमेत अध्ययनरत छन् । विद्यालयमा ५० जना विद्यार्थीले आवासीय अध्ययन गरिरहेका छन् । कार्यक्रममा विद्यार्थीहरुले योग, नृत्य, गीत तथा विज्ञान प्रदर्शनी, कराँतेका विभिन्न कलाहरु देखाएका थिए ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment