प्रयोग गरिएको सेनिटरी प्याड व्यवस्थापनका लागि मेसिन वितरण
साउन—२३,पाल्पा ।
पाल्पाको रामपुर नगरपालिकाले विद्यालयहरुलाई प्रयोग गरिएका सेनिटरी प्याड व्यवस्थापनका लागि मेसिन वितरण गरेको छ । नगरपालिकाले मङ्गलबार नगर भित्रका माध्यमिक विद्यालयलाई सेनेटरी प्याडसहित मेसिन र आधारभूत तहका विद्यालयलाई सेनिटरी प्याड वितरण गरेको हो । नगरपालिका भित्रका १८ वटा विद्यालयलाई मेसिनसहित सेनेटरी प्याड र अन्य ६ वटा आधारभूत विद्यालयलाई सेनिटरी प्याड वितरण गरिएको छ । नगरपालिकाले २४ वटा विद्यालयलाई ११ हजार ६२ प्याकेट सेनिटरी प्याड र १८ वटा नष्ट गर्ने मेसिन वितरण गरेको हो । नेपाल सरकारको सशर्त अनुदान सेनिटरी प्याड व्यवस्थापन कार्यक्रम अन्तर्गत कक्षा ६ देखि १२ सम्म अध्ययन गर्ने १ हजार ७ सय ५६ जना विद्यार्थीहरुलाई पुग्ने सेनिटरी प्याड वितरण गरेको छ ।
कार्यक्रममा रामपुर नगरपालिकाका उपप्रमुख बालकुमारी थापाले विद्यालयमा अध्ययनरत छात्राहरुलाई महिनावारीको समयमा सहज होस भनेर सेनिटरी प्याड वितरण गरिएकाले सबै विद्यार्थीलाई आवश्यकतानुसार समान रुपमा प्रदान गर्न आग्रह गर्नुभयो । विगतका वर्षमा वितरण गर्दै आएको र उक्त वितरण गरेको सेनिटरी प्याडको प्रयोग पश्चात व्यवस्थापनमा समस्या हुँदै आएकोले यस वर्ष नष्ट गर्ने मेसिन समेत वितरण गरेको उप प्रमुख थापाले बताउनुभयो । उहाँले सेनिटरी प्याड नभई नहुने भए पनि यसको प्रयोग पश्चात सहज व्यवस्थापनका लागि नष्ट गर्ने मेसिन वितरण गरिएको स्पष्ट पार्नुभयो । सशर्त अनुदान कार्यक्रम अन्तर्गत अहिले पहिलो चरणमा माध्यमिक विद्यालयहरुलाई १÷१ वटा डिस्पोजल मेसिन सहित र अन्य आधारभूत तहका विद्यालयलाई सेनिटरी प्याड वितरण गरेको र आगामी दिनमा अन्य विद्यालयलाई पनि प्रदान गरिने रामपुर नगरपालिकाका शिक्षा अधिकृत विकल काफ्लेले जानकारी दिनुभयो ।
विद्यालयको आवश्यकता र माग अनुसार यस वर्ष सेनिटरी प्याड नष्ट गर्नका लागि मेसिन वितरण गरेको उहाँले बताउनुभयो । २४ वटा विद्यालयमा कक्षा ६ देखि १२ सम्म अध्ययन गर्ने १ हजार ७ सय ५६ जना छात्राहरुलाई पुग्ने गरी सेनिटरी प्याड वितरण गरिएको हो ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment