भीरकोटमा लायन्स क्लबद्वारा राहत सामाग्री वितरण
असार ३०, स्याङ्जा
मनसुनजन्य विपद्का कारण अप्ठ्यारोमा परेका एवम् धनजनको क्षति भएका भीरकोटका नागरिकहरूलाई लायन्स क्लब अफ भीरकोटले राहत वितरण गरेको छ । नगरपालिकाको वडा नं ४, ५ र ९ का बाढी पहिरोबाट पिडित भएका १० परिवारलाई राहत वितरण गरिएको क्लबका अध्यक्ष ढाकाराम खनालले बताउनुभयो ।
बाढी र पहिरोमा परी परिवारजन गुमाएका परिवारलाई नगद १० हजार सहित खाद्यान्न, त्रिपाल, भाँडाकुँडा लगायतका अत्यावश्यक सामाग्री प्रदान गरिएको हो । यसैगरी विपद्का कारण घरबास जोखिममा परेर अप्ठ्यारोमा परेका परिवारलाई खाद्यान्न, त्रिपाल, भाँडाकुँडा लगायतका अत्यावश्यक सामाग्री प्रदान गरिएको क्लबका संस्थापक अध्यक्ष याम प्रसाद अधिकारी (लक्ष्मण ) ले जानकारी दिनुभयो ।
मृतक शुरेश श्रेष्ठको छोराछोरीको शिक्षादिक्षाको लागि परिवारलाई नगद रू १० हजार, खेमकुमारी मल्लको काजकिरिया गर्न नगद रु.१० हजार र राहत सामाग्री प्रदान गरिएको हो । पिडित परिवारको घरमै पुगेर लायन्स क्लबले राहत सामाग्री प्रदान गरेको हो ।
यसैगरी मीना सार्की,श्रीमती सार्की,रिता सार्की, नरबहादुर सार्की, राजेन्द्र गिरी, प्रेम सार्की, चन्द्र बहादुर सिंजाली र नर बहादुर सिंजालीको परिवारलाई राहत सामाग्री वितरण गरिएको क्लबले जानकारी दिएको छ ।
बाढी पहिरोमा परेर धनजन गुमाएका र अप्ठ्यारोमा परेका परिवारजनलाई समानुभूती प्रकट गर्न र मानवीय सहयोग गर्ने हेतुले राहत सामाग्री प्रदान गरिएको अध्यक्ष खनालले बताउनुभयो ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment