Nepali Awaj
  • होमपेज
  • खेलकुद
  • भीरकोटमा सातौं राष्ट्रपति रनिङ शिल्ड प्रतियोगिता सुरू
pokhara news

भीरकोटमा सातौं राष्ट्रपति रनिङ शिल्ड प्रतियोगिता सुरू

वालिङ,१९ मङ्सिर ।
स्याङ्जाको भीरकोटमा सातौं राष्ट्रपति रनिङ शिल्ड प्रतियोगिता बिहीबारदेखि सुरू भएको छ । भीरकोट खेलमैदान, बयरघारीमा सुरू भएको प्रतियोगितामा  १२ सामुदायिक  र ५ संस्थागत गरी १७ वटा विद्यालयको सहभागिता रहेको छ ।   सहभागी विद्यालयका विद्यार्थीहरूले  २२ पदकका लागि प्रतिस्पर्धा गर्नेछ्न् । 
कार्यक्रमको समुद्घाटन गर्दै नगर प्रमुख गोविन्द कर्माचार्यले खेलकुद प्रतियोगिता व्यवस्थित र अनुशासित तरिकाले सञ्चालन गर्न सरोकारवाला सबैको सहयोग आवश्यक रहेको बताउनुभयो । उहाँले विद्यार्थीहरूलाई आफ्नो विद्यालय र  पालिकाको नाम राख्ने गरेर खेलकुदमा सहभागी हुन आग्रह गर्नुभयो । आगामी वर्ष क्रीकेट र फुटबल प्रतियोगिता पनि समावेश गरिने नगर प्रमुख कर्माचार्यले जानकारी गराउनुभयो ।
प्रतियोगितामा ट्रयाक तर्फ ८, फिल्डतर्फ ५ र भलिबल र कबड्डीगरी १५ खेलमा प्रतिस्पर्धा हुने सातौं राष्ट्रपति रनिङ शिल्ड खेलकुद प्रतियोगिता–२०८२ व्यवस्थापन समितिका  संयोजक एवम् नगर प्रवक्ता दिपेन्द्र के.सी. ले जानकारी दिनुभयो । विद्यार्थीहरूको मार्च पास  र भाग्योदय मा.वि. को पञ्चेबाजा सँगै सुरू भएको प्रतियोगितामा खेल सञ्चालन कार्यविधी अनुसार गरिने शिक्षा शाखा प्रमुख विष्णुबहादुर भट्टराईले बताउनुभयो । उहाँका अनुसार प्रतियोगितामा करिब १ हजार जना विद्यार्थी खेलाडीको सहभागिता हुनेछ । 
प्रमुख प्रशासकीय अधिकृत लक्ष्मण लम्सालले विद्यार्थी र शिक्षकहरूलाई  विद्यार्थीको क्षमता र योग्यतालाई भरपुर सदुपयोग गरी खेल गतिविधिमा सहभागी हुन अनुरोध गर्नुभयो । खेलकुदले शारीरिक, मानसिक र संवेगात्मक विकास गर्ने भएकाले अनुशासित भएर खेलमा सहभागी हुन उहाँको सुझाव छ । 

Admin

About The Author

Leave A Comment

Don’t worry ! Your email address and mobile number will not be published. Required fields are marked (*).

सम्बन्धित खवर

/

भर्खरै

Advertisement