मिडिया काउन्सिल विधेयक छिट्टै ल्याइने—सञ्चार मन्त्री गुरुङ
मङ्सिर १५, वालिङ ।
नेपाल सरकारका सूचना तथा सञ्चार मन्त्री पृथ्वी सुव्वा गुरुङले अब छिट्टै मिडिया काउन्सिल विधेयक ल्याइने बताउनु भएको छ । स्याङ्जाको वालिङ नगरपालिकामा शनिबार साँझ भएको भेटघाटका क्रममा सूचना तथा सञ्चार मन्त्री गुरुङले अब छिट्टै मिडिया काउन्सिल विधेयक ल्याइने बताउनु भएको हो । मिडिया काउन्सिल विधेयकका सन्दर्भमा क्याविनेटमा गैसकेको र मेकिनिजम बनिसकेकाले अब १ महिनाभित्रै विधेयक ल्याइने सूचना तथा सञ्चार मन्त्री गुरुङको भनाई छ ।
उहाँले भन्नुभयो, “पछिल्लो समयमा अनलाइन मिडियालले धेरै दुःख दिएको छ । यसको नियमन र व्यवस्थापन गर्ने कानून नभएकाले भद्रगोल छ । यसका लागि क्याविनेटमा गैसकेको छ, मेकानिजम बनाइरहेका छौं । एक महिना भित्र मिडिया काउन्सिल विधेयक ल्याउँछौं ।” मिडिया काउन्सिल विधेयक बनेपछि अनलाइन मिडिया हाउसमा पत्रकारहरु मात्रै बस्नेछन् । यसमा सरकारले कुनै हस्तक्षेप नगर्ने एउटा संस्थाकोरुपमा विकास हुने मन्त्री गुरुङले स्पष्ट पार्नुभयो ।
भेटघाटका शिलशीलामा वालिङ नगरपालिकाको अवस्था एवम् आवश्यकता र सिद्धार्थ राजमार्गको सन्दर्भमा सरकारको ध्यान आकृष्ट गराइएको थियो । यस सन्दर्र्भमा मन्त्री गुरुङले तपाईंहरु अगाडि बढ्नुस, संघीय सरकार तपाईंहरुको साथमा रहने विश्वास व्यक्त गर्नुभयो । जहाँसम्म सिद्धार्थ राजमार्गको सन्दर्भ छ, यो विषय संसदमा उठेको छ र विस्तार गर्न भनिएको उहाँले उल्लेख गर्नुभयो । दुई ठूला दल नेकपा एमाले र नेपाली काङ्ग्रेसको गठवन्धन देशलाई विग्रन नदिनका लागि बनेको बताउनुभयो । ठूलो सङघर्ष गरेर लोकतन्त्र ल्याएको बताउँदै मन्त्री गुरुङले पटक पटक सरकार बदल्ने र विकृति मौलाउँदै गएकाले देश कमजोर हुँदै गएकाले अब वर्वादिबाट जोगाउनुपर्छ भनेर गठवन्धन गरिएको उहाँले औंल्याउनुभयो ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment