यही २४ देखि चालिसेमा भागवत् सप्ताह ज्ञान महायज्ञ हुने
वैशाख २०, वालिङ ।
यही वैशाख २४ गते बुधबारदेखि भागवत् सप्ताह ज्ञान महायज्ञ हुने भएको छ । वालिङ १४ बायँखोलास्थित चालिसेमा “श्रीमद्भागवत् सप्ताह तथा तण्डुलाचल ज्ञान महायज्ञ एवम् श्रृङ्गारिक महाआरती—२०८२” हुने भएको हो । वैदिक सनातन धर्म रक्षार्थ १०८ श्रीमद्भागवत् सप्ताह तथा तण्डुलाचल ज्ञान महायज्ञ एवम् श्रृङ्गारिक महाआरती—२०८२” वैशाख ३० गतेसम्म सञ्चालन गरिने महायज्ञ सञ्चालनको पूर्व सन्ध्यामा आज आयोजित पत्रकार सम्मेलन मार्फत जानकारी गराइएको हो ।
श्री कालिका आध्यात्मिक प्रतिष्ठानको धाम निर्माण गर्ने, अनाथ आश्रम एवम् अन्नक्षेत्र खोल्ने, १ सय ८ शिवलिङ्ग स्थापना गर्ने उद्देश्यले महायज्ञको आयोजना गरिएको महायज्ञका प्रमुख कथा वाचक पण्डित प्रकाश तिवारीले जानकारी दिनुभयो । कथा वाचक तिवारीका अनुसार १हजार ८ शालिग्राम पूजा आराधना, दैनिक हवन सञ्चालन, समाजमा रहेका वृद्धा, अशक्त तथा अनाथहरुको सेवागर्ने महायज्ञको उद्देश्य लिइएको छ । यसगरी विपन्न परिवारका लागि धार्मिक संस्कार धान्न सहयोग गर्ने र विपन्नलाई खर्च जुटाई अन्त्यष्टी गर्नमासमेत सहयोग गरी कसैको कुनै संस्कार नरोकिने अवस्थाको सिर्जना गर्नका लागि महायज्ञ सञ्चालन गरिएको हो ।
२४ गते कलाश यात्रासहित शुभारम्भ गरिने महायज्ञमा सङ्गीतमय कथावाचनसँगै दैनिक पाठ पारायण, गौपूजा एवम् कन्या पूजन, राधाकृष्ण तथा १ हजार ८ शालिग्राम शिलाको पूजाअर्चना गरिनेछ । यसैगरी दैनिक राष्ट्रियस्तरका भजनगायकहरुद्वारा दैनिक भजन किर्तनबाट सङ्गीतमय आध्यात्मिक आनन्द लिन पाइने आयोजकले जनाएको छ । साथमा दैनिकरुपमा सन्ध्याकालिन लक्षवर्ती आरती गरिने पण्डित तिवारीले बताउनुभयो ।
श्री राधासर्वेश्वरको अनुकम्पाले भागवत् भक्तिप्राप्ती हेतु गरिमामय भागवत् सत्सङ्ग ज्ञान महायज्ञमा सहभागी भई धर्मानुरागी सम्पूर्ण महानुभावहरुले भगवत् ज्ञान लिन आयोजकद्वारा अनुरोध गरिएको छ ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment