रामपुरमा न्यायीक समिति संग प्रहरी साझेदारी
मङ्सिर १३, पाल्पा ।
रामपुर नगरपालिका पाल्पाको न्यायीक समितिसंँग प्रहरी साझेदारी कार्यक्रम गरिएको छ । लैंगिक हिंसा विरुद्धको १६ दिने अभियान अन्तर्गत रामपुर नगरपालिका न्यायीक समितिको आयोजनामा वडा नं.४ देविस्थानमा बुधबार प्रहरी साझेदारी कार्यक्रम कार्यक्रम गरिएको हो ।
कार्यक्रममा रामपुर नगरपालिकाका नगर प्रमुख रमणबहादुर थापाले सभ्य र सुसंस्कृत नगर निर्माणका लागि सबै सचेत हुन आवश्यक रहेको बताउनुभयो । नगर प्रमुख थापाले पछिल्लो समय हरेक व्यक्तिमा नकारात्मक सोँच हावि भएका कारण हिंसासंँगै विभिन्न नकारात्मक घटना बढ्दै गएको र यसको निराकरण गर्नुपर्ने व्यक्त गर्नुभयो । उहाँले मानिसमा नैतिक ज्ञानको कमीका कारण आपराधिक क्रियाकलापसंँगै हिंसाका घटना हुने गरेको बताउनुभयो । समाजमा रहेका विकृति विसंगती हटाई शान्त र हिंसा रहित समाज निर्माणका लागि सबै सचेत हुन आवश्यक रहेको नगर प्रमुख थापाको भनाई छ ।
यसैगरी नगरपालिकाका उपप्रमुख तथा न्यायीक समितिका संयोजक बालकुमारी थापाले विवाद र अपराध दुवैले समाजिक मेलमिलापलाई असर पार्ने बताउनुभयो । न्यायीक र शान्त समाज निर्माणका लागि विवाद ,अपराध र हिंसाको अन्त्य हुनु पर्ने भन्दै विवाद,अपराध र हिंसालाई कानुनी उपचारको माध्यमबाट समाधान गर्नु पर्नेमा उहाँले जोड दिनुभयो । उहाँले समाजमा हुने विभिन्न हिंसा र अपराधलाई नलुकाउन आग्रह गर्दै विभिन्न विवादको न्यायोचित रुपमा समाधानका लागि न्यायीक समिति र आँफू संधै प्रतिबद्ध भएर लागेको उल्लेख गर्नुभयो ।
कार्यक्रममा ईलाका प्रहरी कार्यालय रामपुरका प्रहरी निरीक्षक रामबहादुर नेपालीले जुनसुकै अपराध र हिंसालाई कानुनी दायरामा ल्याउन आवश्यक रहेको बताउनुभयो । विभिन्न अपराध, लागु औषध, सडक सुरक्षा, साईबर क्राईमलगाएतको कानुनी उपचार, विभिन्न हिंसा र यसको अवस्था,न्यायीक समितिको काम कर्तव्य र अधिकारका विषयमा अभिमुखिकरण प्रदान गरिएको थियो । कार्यक्रमको सहजिकरण ईलाका प्रहरी कार्यालय रामपुरका प्रमुख रामबहादुर नेपाली, नगरपालिकाका न्यायीक समिति सचिवालय सचिव पार्वती परियार र सञ्जु परियारले गरेका थिए ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment