Nepali Awaj
  • होमपेज
  • खेलकुद
  • रामपुरमा पाँचौं राष्ट्रपति रनिङ्ग शिल्ड प्रतियोगिता सुरु
pokhara news

रामपुरमा पाँचौं राष्ट्रपति रनिङ्ग शिल्ड प्रतियोगिता सुरु

फागुन १७, पाल्पा । 
पाल्पाको रामपुरमा पाँचौं राष्ट्रपति रनिङ्ग शिल्ड प्रतियोगिता सुरु भएको छ । 
रामपुर नगरपालिकाको आयोजना र दरैठाँटी माध्यमिक विद्यालयको व्यवस्थापनमा पाँचौ संस्करणको प्रतियोगिता शुक्रबार बाट सुरु भएको हो । रामपुर नगरपालिका–६, विजयपुर स्थित दरैठाँटी माविको खेल मैदानमा प्रतियोगिता सञ्चालनमा ल्याइएको हो । 
प्रतियोगिताको उट्घाटन गर्दै नगरपालिका उप–प्रमुख बालकुमारी थापाले प्र्रतियोगिताले विद्यार्थीको अन्तरनिहित खेल प्रतिभाको पहिचान एवम् खेलाडी उत्पादनमा टेवा पुग्ने बताउनुभयो । नगरपालिकाले खेलकुद क्षेत्रको उत्थानका लागि भौतिक पूर्वाधार निर्माण एवम् तालिमसँगै उत्कृष्ट खेलाडीलाई सम्मान गर्दै आएको बताउनुभयो । 
दरैठाँटी माविका प्रधानाध्यापक सुन्दरप्रसाद देवकोटाले विगतको स्वरुपलाई परिवर्तन गरिएको बताउनुभयो । प्रतियोगिता बाट उत्कृष्ट प्रतिभालाई छनौट गरी जिल्ला स्तरीय प्रतियोगितामा सहभागी गराईने प्रधानाध्यापक देवकोटाले जानकारी गराउनुभयो । यसैगरी नगर खेलकुद विकास समितिका अध्यक्ष कमल सेनले खेलको विकासको लागि खेलकुदका गतिविधि वार्षिक रुपमा मात्र नभै नियमित रुपमा सञ्चालन गर्नु आवश्यक रहेको बताउनुभयो । खेलमा जीत र हारमात्र नभै सिक्ने अवसर प्राप्त हुने उहाँको भनाई थियो । 
शुक्रबारदेखि सुरु भएको प्रतियोगितामा नगरपालिका भित्र रहेका सामुदायिक र संस्थागत गरी २० विद्यालयका विद्यार्थीहरुले सहभागिता जनाएका छन् । एथ्लेटिक्स, भलिबल, कबड्डी र मार्सल आर्ट र छात्राहरूको २७ इभेन्टमा प्रतिस्पर्धा हुने नगर शिक्षा अधिकृत विकल काफ्लेले जानकारी दिनुभयो । 
जिल्ला स्तरीय प्रतियोगिताका लागि छनौट भएका विद्यार्थीलाई मेडल र प्रमाणपत्र द्वारा पुरस्कृत गरिनेछ । विगतमा विजेता विद्यालयलाई नगद, रनिङ शिल्ड, ट्रफि, मेडल र प्रमाणपत्र प्रदान गरिदै आएकोमा यस वर्ष प्रतियोगिताका विजेता विद्यार्थीलाई मात्र पुरस्कृत गरिने काफ्लेले बताउनुभयो । 
 

Admin

About The Author

Leave A Comment

Don’t worry ! Your email address and mobile number will not be published. Required fields are marked (*).

सम्बन्धित खवर

/

भर्खरै

Advertisement