रामपुरमा सामुदायिक कुकुरको स्थायी बन्ध्याकरण
फागुन ३, पाल्पा
पाल्पाको रामपुरमा सामुदायिक कुकुरहरुको स्थायी वन्ध्याकरण गरिएको छ । सामुदायिक कुकुरको व्यवस्थापन र रेविजको जोखिम न्यूनिकरणका लागि शिविर सञ्चालन गरी स्थायी बन्ध्याकरण गरिएको हो ।
रामपुर नगरपालिकाको आयोजना, वातावरण तथा सामाजिक रुपान्तरणका लागि युवा सिद्धार्थ नगर रुपन्देही र मानव पशु तथा बाली संरक्षणका लागि युवा भरतपुर चितवनको प्राविधिक सहयोगमा तीन दिने शिविर सञ्चालन गरिएको थियो । गत बुधबार देखि शुक्रबारसम्म भएको शिविरमा रामपुर नगर भित्रका विभिन्न टोलहरुमा रहेका सामुदायिक कुकुर नियन्त्रणमा लिई एक सय १२ वटा कुकुरको स्थायी बन्ध्याकरण गरिएको नगरपालिकाले जनाएको छ ।
रामपुर नगरपालिकाका नगर प्रमुख रमणबहादुर थापाले सामुदायिक कुकुरको संख्या बढ्दै जाँदा बाटोमा हिड्ने मानिसलाई मात्र नभै पशु चौपाया पनि आक्रमण गरेर त्रसित बनाउने र रेविज लगाएतका घातक रोग सार्न सक्ने जोखिम बढ्दै गएपछि तीन वर्ष देखि स्थायी बन्ध्याकरण शिविर सञ्चालन गर्दै आएको बताउनुभयो । नगरपालिकाले बजेट विनियोजन गरी शिविर सञ्चालन गर्दै आएकोसमेत जानकारी गराउनुभयो ।
शिविरमा बोल्दै रामपुर नगरपालिकाका उपप्रमुख बालकुमारी थापाले सामुदायिक कुकुरको कल्याण र मानव स्वास्थ्यका लागि शिविर सञ्चालन गरिएको बताउनुभयो । संख्या धेरै हुँदा आहारको कमी आउने भएकाले व्यवस्थापन संँगै संरक्षणका लागि स्थायी बन्ध्याकरण र रेविज विरुद्धको भ्याक्सिन शिविर सञ्चालन गरिएको उपप्रमुख थापाले बताउनुभयो । बन्ध्याकरण शिविरले कुकुरको संख्या नियन्त्रण र कुकुरकै कारण हुने अन्य दुर्घटनामासमेत कमि आएको उहाँले उल्लेख गर्नुभयो ।
सामुदायिक कुकुरका कारण रेविज रोगको जोखिम बढेकाले कुकुरको व्यवस्थापन तथा संख्या न्यूनिकरणका लागि बन्ध्याकरण गरिएको रामपुर नगरपालिकाका सामाजिक विकास समितिका संयोजक दुर्गा देवि भण्डारी गौतमले बताउनुभयो । कुकुरको संख्या बढ्दै जाँदा आहारको अभावमा थप आक्रामक हुने, मानव स्वास्थ्य र मान्छेमा सर्ने रेविज रोग नियन्त्रण र न्यूनिकरणका लागि एक मात्र विकल्प स्थायी बन्धयाकरण भएको पशुचिकित्सक डा. अविनास क्षत्रीले बताउनुभयो ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment