लोकतान्त्रिक गणतन्त्र ख्याल ठट्टा होइनः पूर्व मुख्यमन्त्री अधिकारी
चैत १८, वालिङ ।
नेकपा एमालेका स्थायी कमिटी सदस्य एवम् गण्डकी प्रदेशका पूर्व मूख्यमन्त्री खगराज अधिकारीले लोकतान्त्रिक गणतन्त्र ख्याल ठट्टा नभएको बताउनुभएको छ । जनताको रगतको मसीले लेखेर ल्याएको लोकतान्त्रिक गणतन्त्र माथि ख्याल ठट्टा हुन नसक्ने पूर्व मुख्यमन्त्री अधिकारीले बताउनुभयो ।
नेकपा एमाले जिल्ला कमिटी स्याङ्जाले वालिङमा आयोजना गरेको जागरण सभालाई सम्बोधन गर्दै नेता अधिकारीले गण्तन्त्रको पहरेदार बनेका जनता राजतन्त्रको समर्थक हुन नसक्ने दावी गर्नुभयो ।
पूर्व राजा ज्ञानेन्द्र शाहलाई इंकित गर्दै स्याङ्जाको आलदेबीमा कूल पूजा गर्न आउनेले गोत्र विर्सेको व्यक्त गर्नुभयो । उहाँले भन्नुभयो “मिडिया हाउस र पत्रकारलाई आक्रमण गर्ने, गुहार माग्दा माग्दै जिउँदै जलाउनेहरुले एकछिन सत्ता चलाए भने के होला ?”
पत्रकारलाई थुनेर आगो लगाई हत्या गर्ने, मिडियालाई आक्रमण गर्ने तथा आम सर्व साधारणलाई भ्रमित पार्ने काम राजतन्त्रवादीले गरेको भन्दै यस्तो कार्य एमालेलाई कदापि स्वीकार्य नहुँने बताउनुभयो । देशमा संकट मोचनका लागि एमाले कांगे्रसको गठबन्धनको सरकार बनेको भन्दै यो सरकार जनताको बलमा बनेको बताउनुभयो । गणतन्त्रका पार्टीहरुमा जनता मार्ने, जनतालाई ठग्ने प्रवृत्ति नभएको भन्दै नागरिक लुट्ने र पत्रकार मार्नेहरुलाई छुट नहुँनेमा जोड दिनुभयो ।
शान्तिपूर्ण आन्दोलनको नाममा १५ गते शुक्रबार राजधानीमा भएको पत्रकार सुरेश रजकको हत्याको विषयलाई लिएर अधिकारीले भन्नुभयो नारायणहिटी दरबारमा बंश विनाश गरेर रगतको आहालमा टेकेर नक्कली राजा बनेकाहरुले पत्रकारको हत्या गरेको अधिकारीको आरोप छ ।
राजा आउ देश बचाउ भन्नेहरु मुर्ख भएको उहाँको भनाई छ । नेता अधिकारीले आफ्नो दरबार र बंशको रक्षा गर्न नसक्नेले देश र जनताको रक्षा गर्छन् भन्नेहरु मुर्ख हुन्, उनीप्रति धिक्कार छ, नेता अधिकारीले भन्नुभयो ।
सत्तामा जानको लागि माओबादीले पनि विगत भुल्न नहुने उहाँको धारणा छ । हिजो माओबादीका नेतालाई छानी छानी मार्ने यही राजतन्त्र भएको उल्लेख गर्दै विगत स्मरण गर्न उहाँले आग्रह गर्नुभयो ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment