वालिङमा जारी पुरुष भलिबलमा आज ५ खेल सम्पन्न, भोलि फाइनलसहित तीन खेल हुने
कात्तिक ४, वालिङ ।
स्याङ्जाको वालिङमा जारी पालिका स्तरीय प्रथम पुरुष भलिवल प्रतियोगितामा आज सेमिफाइनलसहित ५ खेल सम्पन्न भएको छ ।
स्याङ्जा सहयोग समाज अन्तर्राष्ट्रिय समन्वय समितिको आयोजनामा २ गते शुक्रबारदेखि वालिङ खेलमैदानमा सञ्चालित “स्याङ्जा आईसीसी प्रथम भलिबल कप २०८१” को आज सेमिफाइनलसहितका ५ खेल सम्पन्न भएका हुन् ।
आज भएको सेमिफाइनल खेलबाट बिरुवा गाउँपालिकाको समूहले फाइनलको यात्रा तय गरेको छ ।
कालिगण्डकी गाउँपालिकासँग सेमिफाइनल खेलेको बिरुवाले जीतसँगै फाइलनको यात्रा तय गरेको हो । यी दुबै समूहको खेल अत्यन्त प्रतिष्पर्धात्मक र रोचक भएको थियो । वेष्ट अफ फाइब खेलाईएकोमा दुबै समूहले दुई दुई सेटको जीत निकालेर कडा टक्करमा खेल प्रदर्शन गरेका थिए । अन्ततः बिरुवाले तेस्रो सेटको जीतसँगै फाइनलको यात्रा तय गरेको हो ।
यसैगरी भीरकोट र पुतली बजार नगरपालिकाबीचको सेमिफाइनल खेल भने हावाहुरीसहितक पानी परेकाले स्थगित भयो । यी दुबै समूहबाट विजेता समूहले भोलि बिरुवाको समूहसँग फाइनल प्रतिष्पर्धा गर्ने छ । यसैगरी आज सेमिफाइनलमा पराजित कालिगण्डकी र आज स्थगित भएको भीरकोट र पुतली बजारको उपविजेतासँग तृतीय स्थानको लागि खेल्ने छ । आज स्थगित भएको भीरकोट र पुतली बजारको खेल भोलि विहान ८ बजे हुने छ ।
प्रत्येक खेलमा म्यान अफ द म्याच घोषित गर्ने कार्यक्रम अनुसार आज सम्पन्न खेलबाट ५ जना खेलाडी पुरस्कृत भएका छन् । यस अन्तर्गत कालीगण्डकीका जर्सी नंवर ५ का हरि पाण्डे, बिरुवाका जर्सी नम्वर १ का अमृत केसी, अर्जुन चौपारीका आकाश गुरुङ, पुतलीबजारका जर्सी नम्वर ६ का दर्शन गुरुङ र बिरुवाका जर्सी नम्वर ५ का जीवन गुरुङ म्यान अफ द म्याचले पुरस्कृत भएका हुन् ।
प्रतियोगितामा प्रथम हुनेले रु. एक लाख ५० हजार र द्वितीय हुनेले रु. एक लाख नगदसहित शिल्ड, मेडल र प्रमाण पत्र प्राप्त गर्नेछन् ।
यसैगरी तृतीय हुनेले रु. ७५ हजार र सान्त्वना हुनेले रु. २५ हजारसहित शिल्ड, मेडल र प्रमाण पत्र प्राप्त गर्ने भलिबल खेल संयोजक हिमलाल डुम्रेले बताउनुभयो ।
प्रतियोगितामा उत्कृष्ट खेलाडीलाई जनही १० हजार नगदसहित मेडल र प्रमाणपत्र तथा उत्कृष्ट सेटर, डिफेन्डर, सर्भिस, ब्लकर, स्पाईकरलाई जनही ५÷५ हजार पुरस्कार प्रदान गरिने प्रतियोगिताको सहयोगी संस्था वालिङ भलिबल क्लबका अध्यक्ष दीपेन्द्र खाँणले जानकारी गराउनुभयो ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment