वालिङमा जेष्ठ नागरिक सम्मान
कात्तिक १०, वालिङ ।
स्याङ्जाको वालिङमा जेष्ठ नागरिकलाई सम्मान गरिएको छ । मातापिता प्रतिष्ठान वालिङ र वालिङ नगरपालिका वडा नं. ११ को संयुक्त आयोजनामा शनिबार वडा कार्यालय डौँवामा जेष्ठ नागरिक सम्मान गरिएको हो ।
कार्यक्रममा वडाका ८४ वर्ष माथिका जेष्ठ नागरिकहरु सम्मानित भएका हुन् । कार्यक्रममा १०६ वर्षीय उत्तरकुमारी खांणलाई प्रमुख आमन्त्रित बनाईएको थियो ।
प्रतिष्ठानका अध्यक्ष श्यामप्रसाद ढुंगानाले जेष्ठ नागरिक सम्मानसँगै बालबालिकाका लागि पार्क, गुरुकुल स्थापना गर्ने उद्देश्यका साथ अगाडि बढेको जानकारी गराउनुभयो । प्रतिष्ठानको उद्देश्य अनुसार वडामा रहनुभएका जेष्ठ नागरिकहरुलाई पहिलो प्राथमिकता दिदै वडा कार्यालयको सहयोगमा सम्मान गर्दै आईएको प्रतिष्ठानका अध्यक्ष ढुंगानाले उल्लेख गर्नुभयो ।
कार्यक्रममा प्रतिष्ठानका सल्लाहकार यमकान्त खनालले मातापिता प्रतिको सम्मान एवम् कर्तव्य भाव सन्तानमा जागृत गराउनका लागि यस्ता कार्यक्रमले थप टेवा पुग्ने बताउनुभयो ।
पछिल्लो समय युवाशक्ति विदेशिएका र वृद्धबुवाआमा घर कुरुवाको रुपमा रहँदै आउनुभएको भन्दै बृद्धावस्थामा सन्तान साथमा रहेर मातापिताको सम्मान गर्ने संस्कारको विकास गर्नुपर्ने सल्लाहकार खनालले औंल्याउनुभयो ।
कार्यक्रममा १०६ वर्षकी उत्तरकुमारी खांँणसहित ८४ नाघेका २२ जनालाई वृद्धबृद्धाहरु सम्मानपत्र नगद र रामनामी दोसल्लाले सम्मान गरिएको हो । वडा नं. ११ मा ८४ वर्ष नाघेका ५३ जना बृद्धबृद्धाहरु रहेकोमा आज २२ जना सम्मानित भएका हुन् । बाँकी रहकाहरुलाई वडाको सहजीकरणमा घरमै गएर सम्मान गरिने प्रतिष्ठानले जनाएको छ ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment