Nepali Awaj
pokhara news

वालिङमा सरोकारवाला बीच अभिमुखिकरण र अन्तरक्रिया

असोज ४, स्याङ्जा ।
स्याङ्जाको वालिङमा सरोकारवाला बीच परियोजनाको अभिमुखिकरण र अन्तरक्रिया गरिएको छ । आपसी सहयोग केन्द्र नेपालले आज वालिङमा जनप्रतिनिधी, नगरपालिकाका कर्मचारी र सञ्चारकर्मीबीच परियोजनाको अभिमुखिकरण र अन्तरक्रिया गरेको हो । आँधिखोला गाउँपालिका ४ बाट आर्थिक वर्ष २०४९÷०५० देखि संस्थागत सेवा सुरु गरेर हाल पुतलीबजार १ नारायण स्थानमा मुख्य कार्यालय रहेको संस्थाले कृषिसँग सम्बन्धित गतिविधिहरुमा किसानहरुसँग देशका बिभिन्न जिल्लामा सहकार्य गर्दै आएको छ । यस अन्तर्गत वालिङ नगरपालिकामा पनि सहकार्य गर्ने उद्देश्यले आज सरोकारवाला बीच परियोजनाको अभिमुखिकरण र अन्तरक्रिया बैठक आयोजना गरेको हो । 
संस्थाले १५ महिने परियोजना अन्तर्गत वालिङ र गल्याङ नगरपालिका क्षेत्रमा गड्यौले मल उत्पादन सम्बन्धी सहकार्य गर्ने भएको छ । यसका लागि ५ करोड ६० लाखको बजेटमा वालिङ र गल्याङका किसानहरुसँग सहकार्य गरिने संस्थाले जनाएको छ । 
गड्यौले मल उत्पादनका लागि नगरपालिका भित्रका सहकारी मार्फत किसानहरु परियोजनामा सहभागी हुन सक्नेछन् । योसँगै गड्यौले मल उत्पादन र बजारीकरणमा किसानहरुसँग संस्थाले साझेदारी गर्ने छ । यसका लागि नगरपालिकाको समन्वयकारी भूमिका रहने छ ।
कार्यक्रममा वालिङ नगर प्रवक्ता एवम् कार्यबाहक नगर प्रमुख पदमराज गुरुङले किसानहरुको हकहितका लागि नगरपालिकाले पूर्ण साथ सहयोग गर्ने बताउनुभयो । उहाँले किसानहरुलाई उत्पादनसँगै आय आर्जनसँग जोड्न नगरपालिका प्रतिवद्ध रहेकोसमेत उल्लेख गर्नुभयो ।
कार्यक्रममा संस्थाको बारेमा संस्थाका अध्यक्ष रुकुमदत्त शर्माले जानकारी गराउनुभएको थियो भने संस्थाका कर्मचारी सुमन श्रेष्ठले परियोजनाका सन्दर्भमा सहजिकरण गर्नुभएको थियो ।
 

Admin

About The Author

Leave A Comment

Don’t worry ! Your email address and mobile number will not be published. Required fields are marked (*).

सम्बन्धित खवर

/

भर्खरै

Advertisement