वालिङमा ‘ओम्कार इभेन्ट्स हब फर्स्ट एक्स्पो’ आयोजना हुँदै
स्याङ्जा — नेपाली मौलिक कला, संस्कृति, संगीत तथा परम्परागत खानाको संरक्षण र प्रवर्द्धन गर्ने उद्देश्यले स्याङ्जाको वालिङमा “Omkaar Events Hub 1st Expo (पर्व) २०८२/०८३” आयोजना २०८२ चैत्र २६ देखि २०८३ बैशाख २ गते सम्म गरिने भएको छ।
आयोजकका अनुसार कार्यक्रममार्फत स्थानीय तथा राष्ट्रिय कलाकारलाई आफ्नो कला, संगीत र सांस्कृतिक प्रस्तुति प्रदर्शन गर्ने अवसर प्रदान गरिनेछ। साथै नेपाली मौलिक कला–संस्कृति तथा परम्परागत खानाको प्रचार–प्रसार गर्दै स्थानीय खाना व्यवसायी तथा साना उद्यमीलाई प्रोत्साहन गर्ने लक्ष्य राखिएको छ।
कार्यक्रमले युवालाई सिर्जनात्मक र सकारात्मक गतिविधितर्फ आकर्षित गर्नुका साथै विभिन्न समुदायबीच आपसी सद्भाव, सहकार्य र सामाजिक एकता मजबुत बनाउने अपेक्षा गरिएको छ। यस्ता सांस्कृतिक गतिविधिले आन्तरिक पर्यटन प्रवर्द्धन गर्दै स्थानीय अर्थतन्त्रलाई समेत चलायमान बनाउने विश्वास गरिएको अध्यक्ष विजय मल्लले बताउनुभयो ।
त्यसैगरी एक्स्पोबाट संकलित रकम खेलमैदान निर्माण तथा खेलकुद पूर्वाधार विकासमा प्रयोग गर्ने योजना रहेको जनाइएको छ।
आयोजकका अनुसार नेपाली नयाँ वर्षको अवसर पारेर आयोजना गरिने यस कार्यक्रमले नेपाली मौलिक संस्कृति, परम्परा र स्थानीय पहिचानको संरक्षण गर्दै भविष्यमा पनि यस्ता सांस्कृतिक तथा सामाजिक कार्यक्रम निरन्तर सञ्चालन गर्ने आधार तयार गर्ने अपेक्षा गरिएको छ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment