वालिङ नगरपालिकाले प्रकृया पुगेका लाभग्राहीहरुको कागजपत्र तत्काल अगाडि बढाउने
साउन १०, स्याङ्जा
स्याङ्जाको वालिङ नगरपालिकाले विपतमा परी दोस्रो किस्ता अनुदान आउन बाँकी रहेका र प्रकृया पुगेका लाभग्राहीहरुको कागजपत्र तत्काल अगाडि बढाउने भएको छ । २०७७ सालमा विपतमा परी घरबास निर्माण गरिएका लाभग्राहीहरुको बाँकी दोस्रो किस्ता स्वरुपको रकमका लागि प्रकृया पुगेका कागजपत्रहरु नगरपालिकाले तत्काल अगाडि बढाउने भएको हो ।
स्थानीय सरकार ऐन अन्तर्गत २०७७ सालमा बनेको विपत व्यवस्थापन कार्यविधिका आधारमा र सम्बन्धित निकायले मागे अनुसार लाभग्राहीहरुको आवश्यक कागजपत्र तयार पारिए पनि अपुग भएकाले अगाडि बढ्न सकेका थिएनन् ।
यसै सन्दर्भमा नगरपालिकामा आज सरोकारवालाहरुको बैठक बसी विपतमा परी दोस्रो किस्ता आउन बाँकी रहेका र प्रकृया पुगेका लाभग्राहीहरुको कागजपत्र तत्काल अगाडि बढाउने नगर प्रमुख कृष्ण खाँणले बताउनु भयो । नगरपालिकाको विपत व्यवस्थापन शाखाबाट प्राप्त विवरण अनुसार विभिन्न वडाका गरी ६ जना लाभग्राहीहरुको प्रकृया पुगेका कागजपत्र तत्काल अगाडि बढाइने नगरप्रमुख खाँणले बताउनु भएको हो । उहाँले बाँकी लाभग्राहीहरुको हकमा पनि नगरपालिकाले सम्बन्धित निकायसँग अनुदान वापतको किस्ता उपलव्ध गराउन पहल गर्ने बताउनुभयो ।
कार्यक्रममा नगर उपप्रमुख कविता तिवारी गैह«ेले विपतमा परेकाहरुका लागि आवश्यकता अनुसार कार्यविधि परिमार्जन गरेर भए पनि पिडितलाई राहत उपलव्ध गराउन नगरपालिका लागिपर्ने बताउनुभयो । नगरपालिकामा विपत व्यवस्थापन कार्यदल गठन भई कार्य अगाडि बठाइसकेको भन्दै उपप्रमुख तिवारीले कार्यदलले गरेको अनुगमनसहितको विवरणका आधारमा राहत उपलव्ध गराइने बताउनुभयो ।
विपत व्यवस्थापन शाखा प्रमुख ढालबहादुर केसीका अनुसार २०७७ सालमा नगरपालिकाका विभिन्न वडाका मनसुनजन्य विपतमा परेका ३२ जनाले पहिलो किस्ता वापतको जनही रु.७५ हजार प्राप्त गरेका थिए । यीमध्ये १५ जना लाभग्राहीको घर बने पनि दोस्रो वा बाँकि ३ लाख २५ हजार अहिलेसम्म पनि पाउन सकेका छैनन् । प्रहरी मुचुल्कालगायतका कागजपत्र नपुगेका कारण २६ जनाले राज्यका तर्फबाट पाउनुपर्ने बाँकी किस्ता रोकिएको विपत व्यवस्थापन शाखाले जनाएको छ । यसमध्ये ६ जनाको सबै कागजपत्र पुगेकाले तत्काल अगाडि बढाइने भएको हो ।
कागजपत्र अगाडि बढाइनेमा ३ जना पुनर्निर्माण अन्तर्गतका हुन भने ३ जना पुनस्र्थापना अन्तर्गतका रहेका छन् । पुनस्र्थापनाका लागि भने ३ लाख घडेरी किन्नका लागि र ४ लाख घर बनाउन गरी जम्मा ७ लाख अनुदान प्राप्त गर्नेछन् ।
बाँकी लाभग्राहीहरुको हकमा सम्बन्धित निकायसँग बाँकी किस्ता उपलव्ध गराउन नगरपालिकाले पहल गर्ने भएको हो । यसैगरी असार महिनाको २१, २२ र २३ गतेको वर्षाले नगरपालिका क्षेत्रमा ५ सयभन्दा धेरै घर परिवारलाई क्षति पु¥याएको विवरण प्राप्त भैसकेको छ । केही दिनमा कार्यदलबाट सबै विवरण आउने र त्यसपछि प्रकृया अगाडि बढाइने विपत व्यवस्थापन शाखाले जनाएको छ ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment