विभिन्न प्रस्तावित कार्यक्रमसहित उपकार सहकारीको साधारणसभा सम्पन्न
मङ्सिर ८, वालिङ ।
स्याङ्जाको वालिङमा मुख्य कार्यालय रहेको उपकार बचत तथा ऋण सहकारी संस्थाले ३२ औं वार्षिक साधारणसभा सम्पन्न गरेको छ । आज शनिबार सहकारीले प्रतिनिधिसभासहित ३२ औं वार्षिक साधारणसभा सम्पन्न गरेको हो ।
संस्थाद्वारा सञ्चालित विभिन्न स्थानमा गरी ४ वटा सेवाकेन्द्र र एकवटा सदस्य सम्पर्क कार्यालयहरुमा अधिकांश शेयर सदस्यको उपस्थितिमा इकाई वार्षिक साधारणसभा गरिएको र प्रतितिधिसभासहित ३२ औं वार्षिक साधारणसभा सम्पन्न गरिएको संस्थाका अध्यक्ष यमकान्त खनालले बताउनुभयो । सबै स्थानका कार्यक्रमहरुमा शेयर सदस्यहरुले रुचिकासाथ सहभागिता जनाएको र हामी सबैलाई थप उत्साही बनाएको अध्यक्ष खनालले उल्लेख गर्नुभयो । शेयर सदस्यहरुका जिज्ञासालाई सम्वोधन र सुझावलाई आत्मसाथ गर्दै संस्थाको ३२ औं वार्षिक साधारणसभा सम्पन्न भएको उहाँले बताउनुभयो ।
योसँगै उपकार सहकारीले यो आर्थिक वर्षका लागि सेवाकेन्द्र विस्तारसहितका विभिन्न कार्यक्रमहरु प्रस्तावित गरेको छ ।
प्रस्तावित कार्यक्रमहरुमा यस आर्थिक वर्षमा ४ वटा सेवाकेन्द्र सञ्चालनमा ल्याउने कार्यक्रमलाई सहकारीले प्राथमिकतामा पारेको छ । कार्यक्षेत्र विस्तारसँगै संस्थाले सम्भाव्यता अध्ययन गरी सेवाकेन्द्र स्थापना गर्ने कार्यक्रम रहेको संस्थाका सचिव गोकर्ण भट्टराईले सञ्चालक समितिको तर्फबाट प्रस्तुत प्रतिवेदनसहित जानकारी गराउनुभयो । यसकासाथै एक्सेस कार्यक्रमलाई निरन्तरता दिइने, कर्मचारीहरुको वृत्ति विकाससँगै नियमित बनाउन आवश्यक प्रकृया अगाडि बढाइने प्रतावित कार्यक्रममा समेटिएको छ । यसैगरी सकार गरेको सम्पत्तिलाई व्यवस्थापन गर्ने, असल ऋणि र कारोबारीलाई पुरस्कृत गर्ने व्यवस्था मिलाईने र सदस्य शिक्षा मार्फत सदस्यता वृद्धि गर्ने व्यवस्था मिलाइनेलगाएतका प्रस्तावित कार्यक्रमहरु रहेका छन् ।
उपकार साकोसले वालिङ नगरपालिका ८ र १३ को बायँटारी, चापाकोटको दामाचौर तथा कालीगण्डकी गाउँपालिकाको मिर्मी गरी ४ स्थानमा सेवाकेन्द्र सञ्चालन गरेर वित्तीय सेवा दिदै आएको छ । यसैगरी वालिङकै ७ नम्वर वडाको केवँरेमा सदस्य सम्पर्क कार्यालय सञ्चालनमा रहेको छ । उपकार सहकारीमा ८ हजार १ सय ५४ जना शेयर सदस्य रहेका छन् ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment