वृहत खानेपानी आयोजना डिपिआरसम्बन्धी अन्तरक्रिया
जेठ १३, वालिङ ।
स्याङ्जाको वालिङमा वृहत खानेपानी डिपिआरसम्बन्धी अन्तरक्रिया गरिएको छ । वालिङमा वृहत खानेपानी योजना सञ्चालनका लागि गरिएको डिपिआरसम्बन्धी वालिङ साना शहरी खानेपानी तथा सरसफाई उपभोक्ता संस्थाले अन्तरक्रिया आयोजना गरेको हो । वालिङ वृहत खानेपानी आयोजनाको लागि संघीय खानेपानी कार्यालय पोखराद्वारा नियात्रा कन्सल्टेन्सीले गरेको डिपिआरका सम्बन्धमा आज जनप्रतिनिधि एवम् सरोकारवालाहरुबीच अन्तरक्रिया गरिएको हो ।
कार्यक्रममा वालिङ नगरप्रमुख कृष्ण खाँणले खानेपानीलाई व्यवस्थितरुपमा अगाडि बढाउन नगरपालिका प्रतिवद्ध रहेको बताउनुभयो । खानेपानीलाई व्यवस्थितरुपमा अगाडि बढाउन सरोकारवाला सबैको साथ, सहयोग र सुझाव अनुसार गरिने नगरप्रमुख खाँणले उल्लेख गर्नुभयो । उहाँले यसका लागि नगरपालिकाले नीतिगत र प्राविधिक सहयोगकासाथ काम गर्ने विश्वास व्यक्त गर्नुभयो । विभिन्न स्थानमा रहेका खानेपानीलाई एकद्वार प्रणालीमा वितरण गर्नु उचित हुने उहाँको भनाई छ । उहाँले भन्नुभयो, “शुद्धिकरण गरेर स्वस्थ पानी पिउन आवश्यक छ । यसका लागि सबैठाउँमा पानी शुद्धिकरणको प्रविधि सम्भव नहुनसक्छ । त्यसैले खानेपानीलाई एकिकृत गरेर एकद्वार प्रणालीबाट शुद्धिकरण गरिएको स्वस्थ पानी वितरण गर्नु उचित हुन्छ, अहिले वालिङ साना शहरीले मातहतका उपभोक्तालाई शुद्धिकरण गरिएको पानी वितरण गरिरहेकोछ । अब वृहत खानेपानी आयोजना सञ्चालनमा ल्याएर संस्थाले पालिकाका सबै वडामा एकद्वार प्रणालीमा स्वस्थ पानी व्यवस्थितरुपमा वितरण गर्नुपर्छ ।”
वालिङ वृहत खानेपानी आयोजनाका लागि नियात्रा कन्सल्टेन्सीले नगरपालिकाका ९ वडामा स्थलगत अध्ययन गरी ३ महिनाको समय लगाएर डिपिआर तयार पारेको हो । कन्सल्टेन्सीले नगरपालिकाका १,२,६,८,९,१०,११,१२ र १३ गरी ९ वटा वडाको डिपिआर तयार पारेको हो । कन्सल्टेन्सीले तयार पारेको डिपिआर अनुसार आयोजना सञ्चालनका लागि ७७ करोडको अनुमान गरिएको छ । यसमा १० प्रतिशत वालिङ साना शहरी खानेपानी तथा सरसफाई संस्थाले साझेदारी गर्नुपर्ने छ । यो आयोजना सञ्चालनबाट ७ हजार ३ सय घरधुरी लाभान्वित हुनेछन् ।
नगरपालिकाका १४ वटै वडाहरुमा बाँकि रहेका र आवश्यकता भएकाहरुलाई समेटेर आयोजना अगाडि बढाउनुपर्ने सहभागीहरुले सुझाएका छन् ।
कार्यक्रममा कन्सल्टेन्सीका ईञ्जिनियर जेनिस महर्जनले डिपिआरका बारेमा सहजिकरण गर्नुभएको थियो । यसैगरी संघीय खानेपानी कार्यालय पोखराका आयोजना प्रमुख पदम कुँवरले वालिङ आयोजना सञ्चालनका लागि नीतिगत र लगानीका सन्दर्भसहित सहभागीहरुको जिज्ञासालाई सम्वोधन गर्नुभएको थियो ।
खानेपानी जनताको मौलिक हक भएकाले सबै वडामा पानी पु¥याउने दीर्घकालीन लक्ष्य राखिएको आयोजकले जनाएको छ । डिपिआरसम्बन्धी अन्तरक्रिया कार्यक्रममा वडाका खानेपानी उपभोक्ता समितिका अध्यक्ष, राजनीतिक दलका प्रतिनिधि, जनप्रतिनिधि, पत्रकार, सुरक्षा निकायका प्रमुखहरूको उपस्थिति रहेको थियो ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment