Nepali Awaj
pokhara news

संविधान दिवसका अवसरमा फलफूल वितरण र रक्तदान

असोज २, स्याङजा । 
स्याङ्जामा संविधान दिवसको अवसरमा रक्तदानकोसाथमा फलपूmल वितरण गरिएको छ । संविधान दिवस मनाउने विविध कार्यक्रम अनुसार आज रक्तदान एवम् फलपूmल वितरण गरिएको हो ।
जिल्ला समन्वय समिति स्याङ्जा, पुतलीबजार नगरपालिका र जिल्ला प्रशासन कार्यालयसहित सामाजिक संघसंस्थाको संयुक्त आयोजनामा जिल्ला कारागारामा रहेका कैदीबन्दीलाई फलफुल वितरण गरिएको छ । फलफुल वितरण पछि जिल्ला प्रहरी कार्यालयमा रक्तदान कार्यक्रम गरिएको जिल्ला रेडक्रस स्याङ्जाका सभापति दिनेश अर्यालले जानकारी दिनुभयो । सभापति अर्यालका अनुसार कारागारमा रहेका कैदीबन्दीहरु मध्ये १४ जना र ६ जना सरकारी कर्मचारीले रक्तदानमा सहभागी भएका थिए । 
पुतलीबजार नगरपालिकाका नगर प्रमुख तुलसीराम रेग्मी, उपप्रमुख देवी अर्याल र प्रमुख जिल्ला अधिकारी सुनिता नेपालले रक्तब्याग हस्तान्तरण गरेर रक्तदानको उद्घाटन गरिएको हो । कार्यक्रममा २० युनिट रगत संकलन गरिएको छ । जनताले लडेर ल्याएको संविधानले हरेक नेपालीलाई अधिकार प्रदान गरेको पुतलीबजार नगर प्रमुख तुलसीराम रेग्मीले बताउनुभयो । ३ दिनसम्म हसोल्लाससहित संविधान दिवस मनाउने नगर प्रमुख रेग्मीले जानकारी गराउनुभयो । रक्तदान कार्यक्रम र कारागारका कैदीबन्दीलाई फलपूmल पुतलीबजार नगरपालिकाको आर्थिक सहयोगमा गरिएको हो । 
संविधान दिवसका अवसरमा रक्तदान, फरक क्षमताका बालबालिकालाई सहयोगी सामाग्री बितरण,वृक्षारोपण, जेष्ठ नागरिकको स्वास्थ्य परीक्षण, रेडियो परिसम्वाद, सरसफाईलगाएत तीनदिने कार्यक्रम गर्ने निर्णय गरिएको प्रमुख जिल्ला अधिकारी सुनिता नेपालले बताउनुभयो । प्रमुख जिल्ला अधिकारी नेपालका अनुसार भोलि ३ गते बिहान प्रभातफेरि सहितको कार्यक्रम गरिने भएको छ भने ३ दिनसम्म घरघरमा, सवारी साधन र कार्यालयहरुमा राष्ट्रिय झण्डा राख्ने र साँझ दिप प्रज्वलन गरी मनाउने जिल्लामा बसेको बैठकले निर्णय गरेको छ ।
असोज २, ३ र ४ गतेसम्म संविधान दिवस मनाउन जिल्ला समन्वय समिति स्याङ्जाले अनुरोध समेत गरेको छ । 
 

Admin

About The Author

Leave A Comment

Don’t worry ! Your email address and mobile number will not be published. Required fields are marked (*).

सम्बन्धित खवर

/

भर्खरै

Advertisement