साना किसान कृषि सहकारी संस्थाको छैटौं स्थापना दिवस
चैत २८, वालिङ ।
स्याङ्जाको वालिङमा रहेको साना किसान कृषि सहकारी संस्थाले छैटौं स्थापना दिवस मनाएको छ । वालिङ ९ मा रहेको वालिङ साना किसान कृषि सहकारी संस्था लि.ले आज विहिबार छैटौं स्थापना दिवस मनाएको हो ।
कर्यक्रमको उद्घाटन गर्दै वालिङ नगर प्रमुख केष्ण खाँडले समाजमा महिलाहरुको भूमिका महत्वपूर्ण रहेको बताउनुभयो । पुरुषको तुलनामा महिलाहरु जिम्मेवार, सहनशील र इमान्दारितामा अगाडि रहेको नगर प्रमुख खाँडले व्यक्त गर्नुभयो ।
उहाँले भन्नुभयो, “ आर्थिक, सामाजिक र राजनीतिक हरेक क्षेत्रमा महिलाहरुको भूमिका ठूलो र अत्यन्त महत्वपूर्ण रहेको छ । जति जिम्मा महिलाहरुले पाउँछन् ती सबैमा निष्ठावान, समर्पण र पारिवारिक भावना भएको पाइन्छ । कमिकमजोरी हरेक व्यक्तिमा हुन्छ, तर पुरुषको तुलनामा महिलाहरुको इमान्दारिता र सहनशीलतामा अगाडि रहेको हामीले प्रत्यक्ष अनुभव गरेका छौं ।”
वालिङ साना किसान सहकारी पनि महिलाकै अगुवाइमा रहेको र अधिकांश महिलाहरु नै सहभागी भएको सहकारी हो । त्यसैले सहकारीहरुमा पछिल्लो समयमा आएको विकृतिबाट सुरक्षित रहनुमा नेतृत्व वा अगुवाई र सहभागिता भएको नगर प्रमुख खाँडले उल्लेख गर्नुभयो । उहाँले नगरपालिकाको साथ र सहयोग लिएर यहाँहरुले यो सहकारीमा गर्नुपर्ने के हो, त्यस सम्बन्धी ल्याएका कार्यक्रमहरुलाई सम्वोधन गर्ने प्रतिवद्धता व्यक्त गर्नुभयो ।
कार्यक्रममा सहकारीका अध्यक्ष सीता पाण्डे डुम्रेले संस्थाकाबारेमा जानकारी गराउनुभएको थियो । संस्थाले स्थापनाकालदेखि नै किसानमुखी कार्यक्रम गर्दै आएको र करिव ७ करोडको कारोबार गरिसकेको अध्यक्ष डुम्रेले बताउनुभयो । यसकासाथै संस्थाले किसानहरुको हकहित र महिलाहरुको क्षमता विकासको काम गर्दै आएको छ । पछिल्लो समयमा सहकारीहरुमा आएको वित्तीय समस्या वालिङ साना किसानमा नरहेको र भोलिका दिनमा त्यस्तो समस्या नआउनेमा आँफूहरु विश्वस्त रहेको उहाँले उल्लेख गर्नुभयो ।
कार्यक्रममा डा. तुलसी प्रभासले सकारात्मक सोंच तथा महिला शसक्तिकरण सम्बन्धी सहजीकरण गर्नुभएको थियो । कार्यक्रममा २ सय भन्दा बढिको सहभागिता रहेको थियो ।
वालिङ ९, ११ र १४ गरी तीनवटा वडालाई कार्यक्षेत्र बनाएको वालिङ साना किसान सहकारीमा १ हजार २ सय शेयर सदस्य रहेका छन् ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment