स्याङ्जामा एचपिभि खोप अभियान अभियान— २०८१ सम्बन्धी अभिमुखीकरण
माघ १७, वालिङ ।
प्रदेश जनस्वास्थ्य कार्यालय पुतलीबजार स्याङ्जाले एचपिभि खोप अभियान—२०८१ का बारे अन्तरक्रिया एवम् गोष्ठि गरेको छ ।
जिल्ला खोप समन्वय समितिका पदाधिकारीहरुको लागि अभिमुखीकरण एवम् पत्रकार तथा सञ्चारकर्मीहरुबीच अन्तरक्रिया गोष्ठि आज विहिबार कार्यालय परिसरमा आयोजना गरिएको हो ।
महिलाहरुमा हुने पाठेघरको मुखको क्यान्सर विरुद्ध एचपिभि खोप अभियान अन्तर्गत स्याङ्जाका ११ वटै स्थानीय तहमा खोप लगाईने भएको हो । देशभर यो खोप अभियान यही माघ २२ देखि फागुन ६ गते सम्म कक्षा ६ देखि १० सम्मका छात्राहरू र विद्यालय नजाने १० देखि १४ वर्ष उमेरका किशोरीहरूलाई एचपिभी खोप दिईँदैछ ।
कार्यक्रममा महिलाको पाठेघरको मुखको क्यान्सर बारे जानकारी, संक्रमणका लक्षण, रोकथामका उपाय, अभियानमा प्रयोग हुने एचपिभी खोपको परिचय, खोप सेवा सञ्चालनको पृष्ठभूमिसाथै खोप सेवा सञ्चालनको औचित्य, खोप सेवाका लक्षित उमेर समूह र संख्या तथा खोप अभियान सञ्चालन कार्यनीति बारे जनस्वास्थ्य प्रशासक केशवप्रसाद चापागाईंले जानकारी दिनुभयो ।
उहाँका अनुुसार जिल्लाका सबै पालिकाहरुको अभिलेख तयार भैसकेको छ भने सत प्रतिशतलाई खोप लगाइने लक्ष्य लिइएको छ । भोलि शुक्रबारसम्म जिल्लाका सबै पालिकाहरुहरुमा खोप उपलव्ध गराइसकिने छ ।
जिल्लाका ११ वटै पालिकामा गरेर जम्मा ९ हजार ३ सय १९ जनालाई एचपिभी खोप दिइने छ । यो खोप कक्षा ६ देखि १० सम्म अध्ययनरत बालिकाहरुलाई लगाइने छ । उमेरको हकमा १० देखि १४ वर्षसम्मलाई यो खोप दिइने छ । यो खोपको प्रभाव विशेषगरी ४० देखि ४५ वर्षको उमेरमा देखिने छ । खोप लगाईसकेपछि खोप कार्ड सुरक्षित राख्नुपर्ने स्याङ्जाका जनस्वास्थ्य प्रमुख चापागाईंले बताउनुभयो ।
कार्यक्रम अनुसार हरिनास गाउँपालिकामा २२ देखि २४ गतेसम्म खोप अभियान सञ्चालन हुनेछ । यसैगरी आँधीखोला, अर्जुनचौपारी, कालीगण्डकी र बिरुवा गाउँपालिका र गल्याङ नगरपालिकामा २२ देखि २५ गतेसम्म एचपिभी खोप लगाइने छ । यस्तैगरी पुतलीबजार, वालिङ, भीरकोट र चापाकोट नगरपालिका र फेदिखोला गाउँपालिकामा २२ देखि २७ गतेसम्म सञ्चालन हुनेछ । योसँगै २७ गतेसम्म स्याङ्जाका ११ वटै पालिकामा एचपिभी खोप अभियान २०८१ सम्पन्न गरिने छ ।
जिल्लाका ३ सय १९ खोप केन्द्रबाट स्वास्थ्यकर्मी तथा स्वयंसेवकको सहयोगमा एचपिभी खोप लगाइने छ । लक्षित उमेर समूहमा रहेका विद्यालय नजाने किशोरीहरुलाई परिचय खुल्ने कागजपत्रसहित पायक पर्ने विद्यालयमा र अन्त्यमा यहाँका स्वास्थ्य संस्थामा खोप लगाउने व्यवस्था छ ।
कार्यक्रममा प्रमुख जिल्ला अधिकारी सुनिता नेपालले रोग लागेर लाखौँ खर्च गरेर उपचार गर्नुभन्दा रोग लाग्नै नदिनु उपयुक्त भएको भन्दै खोप अभियानलाई सफल बनाउन सबैको उत्तिकै महत्वपूर्ण भूमिका रहने बताउनुभयो ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment