स्याङ्जामा क्रियाशील पत्रकारहरुबीच अन्तरक्रिया
वालिङ,२५ असोज–स्याङ्जाको पत्रकारिता क्षेत्रको विगत, वर्तमान र भविष्यको सम्भावना एवम चुनौति विषयमा अन्तरक्रिया गरिएको छ । जिल्लामा क्रियाशील पत्रकारहरुकाबीच पत्रकारिता क्षेत्रको विकास तथा थप प्रभावकारी बनाउने उद्देश्यले अन्तरक्रिया कार्यक्रम भीरकोटमा गरिएको हो । विगतको अभ्यास र वर्तमान अवस्थाको चर्चासँगै पत्रकारिताको भविष्यका सन्दर्भमा सहभागीहरुले आ—आफ्ना धारणा राखेका थिए । यसैबीच सहभागीहरुले पत्रकारहरुको छाता संगठन नेपाल पत्रकार महासंघले अभिभावकीय भूमिका बढाउनुपर्ने र जिल्लाको पत्रकारिताको विकाससँगै नयाँहरुका लागि तालिमसहितका अभिमुखीकरण कार्यक्रमलाई जोड दिनुपर्ने सुझाव राखेका थिए ।
कार्यक्रममा नेपाल पत्रकार महासंघका अध्यक्ष प्रदिप कोइरालाले अहिलेको प्रविधिको विकाससँगै मिडिया हाउस र पत्रकारहरुको क्षमता अभिवृद्धिका लागि विभिन्न कार्यक्रमहरु सञ्चालन गर्ने विश्वास व्यक्त गर्नुभयो । साथै पत्रकारिता क्षेत्रका चुनौतिहरुको सामना गर्दै पत्रकारितालाई व्यवस्थित र मर्यादित बनाउदै लैजान आ—आफ्नो ठाउँबाट सबै लाग्नुपर्ने र त्यसका लागि महासंघ सधैं साथमा रहने अध्यक्ष कोइरालाले व्यक्त गर्नुभयो ।
कार्यक्रम शुभारम्भमा भीरकोट नगरपालिकाका प्रमुख गोविन्द कुमार कर्माचार्यले आँफूहरु सधै पत्रकारहरुको साथ र सहयोगमा रहेको बताउनुभयो । आँफूहरुबाट गरिएका असल अभ्यासलाई सञ्चार माध्यमबाट उजागर गर्दै नागरिकहरुबीच पु¥याउन भूमिका निभाउन उहाँले आग्रह गर्नुभयो । यसैगरी कमि कमजोरीहरु औंल्याइदिएर सहयोग गर्न पनि नगरप्रमुख कर्माचार्यले अनुरोध गर्नुभयो ।
अनलाइन मिडिया द्वय खबर कलम डट कम र स्मार्ट अखबार तथा अकला आवाज साप्ताहिकको संयुक्त आयोजनामा भीरकोट नगरपालिकाको सभाहलमा अन्तरक्रिया कार्यक्रम गरिएको थियो ।
About The Author
सम्बन्धित खवर
-
चन्द्र माध्यमिक विद्यालय खोरपोखरा विहादी गाउँपालिकाको नम्बर ५ पर्वतको ५५ औँ वार्षिक उत्सव तथा ४५ औँ अभिभावक दिवश सम्पन्न...
-
प्रधानमन्त्री केपी शर्मा ओलीले जनतालाई न्यायसहितको समृद्ध बनाउने सहिदहरुको सपना साकार पार्न इमान्दार भएर काम गर्न सबैलाई...
-
देशका चार ठाउँमा एकीकृत नमुना बस्ती निर्माण गरेर जनस्तरबाट चर्चा कमाएको धुर्मुस–सुन्तली फाउन्डेसनले चितवन भरतपुरमा अन्तर...
-
नेपालले यूएईसँगको ट्वान्टी–२० अन्तर्राष्ट्रिय शृंखलाको पहिलो खेलमा २१ रनले पराजित भएको छ । १ सय ५४ रनको लक्ष्य लिएर आएको...
-
चिकित्सकहरुले शुक्रबार देशभरका आकस्मिक बाहेकका सबै सेवा बन्द गरेका छन ।
-
राजधानी काठमाण्डौमा उच्च प्रविधिको ताररहित प्रविधिमा आधारित कन्चनस्काई डिजिटल वायरलेस टिभी संचालनमा आएको छ ।
Leave A Comment